DJ set на Martchin (OffPop)

локација: кафе Queen
почеток: 23:00ч. (31 август)


Martchin започнува да се занимава со музика од 7 годишна возраст кога посетува музичко училиште и свири виолина се до неговата 15 година. 
Од 2003 година тој е дел од тимот организатори и уредници на музичкиот webzine "skopjesburning". Истата година, има радио емисија "Skopje's Burning" на Канал 103 и започнува да пушта музика низ скопските клубови. 
Од 2006 г. е дел од колективот OffPop кој работи на ширење на електронската музика и култура во комбинација со уметност и експериментални филмови. 
Во 2009 г. станува дел од организацискиот тим на de:sonanz festival во Скопје, фестивал за електронска музика, визуелни уметности и нови медиуми:

http://www.desonanz.org.mk/

Има настапувано во повеќе градови во земјава со свои резидент вечери. Музиката што ја пушта се движи од trippy techno, electro, acid house, ebm, psychedelic disco, new wave, post punk, kraut, dub...
Дел од артистите со кои досега им настапувано се: Poligraf [Bosnia and Herzegovina], REPETITOR [Serbia], Lukatoyboy [Serbia], dj Moodswinger [Serbia], Piece of Shh...[Serbia], Jan Nemecek [Serbia], Tijana Kabic [Serbia], A VICTIM OF SOCIETY [Greece], SOMETIME [Iceland], FM BELFAST [Iceland], MARCUS BEUTER [Germany], ALEC EMPIRE [Germany], T.RAUMSCHMIERE [Germany], TERENCE FIXMER [France], Mi [USA]...

http://soundcloud.com/martchin-offpop

Изложба на фотографии ,,Елегија за старата железничка‘‘ на Наташа Гелева

локација: галерија ,,Теракота‘‘
отворање: 19:00ч.

Елегијата како поетска форма изразува тивка тага и болка заради тоа што сè во светот е непостојано и минливо. Фотографијата сама по себе како медиум е нем бунт против непостојаноста. Еден момент се замрзнува во времето и станува сведоштво на минливоста. Се вели „Сè е минливо, само уметноста е вечна“. Тоа е вистинската вредност на уметноста - нејзината истрајност... „Елегијата“ на Наташа Гелева е визуелна ламентација врз уништените вредности кои требаше да бидат вечни. Заробени во фотографската рамка моментите стануваат сведоштво на непостојаноста како клучен принцип на постоењето. Субјектот во фотографиите се вклопува во пејзажот, моделот стои исправен пред руините на времето, служи како поткрепа и му дава живост и еластичност на мртвиот пејзаж. Човечкиот фактор е столбот кој ѝ дава хармоничност и потпора на деструираната убавина на рушевините. Самиот субјект не тера и да помислиме на историската улога на секоја индивидуа. Градителите ќе градат, рушителите ќе рушат, тоа е во согласност со космичките принципи на создавањето и уништувањето, креацијата и нејзината деструкција. Она што фотографиите на Наташа Гелева сакаат да ни го пренесат како порака е дека секој треба да ја чувствува одговорноста за зачувувањето и создавањето наубавината, дека човечкиот фактор е столбот кој ја воспоставува или, пак, ја нарушува рамнотежата. Во фотографиите од оваа серија наречена „Елегија за Старата железничка“ човечкиот објект како да се труди да ја воспостави пак таа рамнотежа во усилбите комплетно да се вклопи во рушевината, да биде нејзина „жива“ закрепа, последен столб кој ја држи целината заедно. Забележлив е грчот за да се одржи таа состојба, како последна усилба да се задржи времето и како признавање на поразот и слабоста на човечката природа. Оттаму е и лиричноста на фотографиите од изложбата кои се визуелни елегии и занемен бунт против времето кое одминува.

                                                                                                     Менче Здравкова

Презентација на видеата на Јане Алтипармаков и Наташа Гелева + инсталација 'THE DREAM ABOUT THE MOUTHLESS'

локација: кафе Queen

почеток: 22:30ч.

>> Презентација на видеата за Mooger Fooger, Сашко Костов, Хахаха... на Јане Алтипармаков и Наташа Гелева


>> ИГОР КАЛЦ, ЈАНЕ АЛТИПАРМАКОВ – 'THE DREAM ABOUT THE MOUTHLESS'
(Сонот за човекот без уста), е видеоарт проект, во кој со надреалистички манир е претставена човековата потсвест во момент на сонување. Со помош на случајно избрани видео-сегменти, надреалистичка проза и психоделични аудиовизуелизации кои предизвикуваат ефект на хипноза, се доловува човечкиот ум, кој сосем ослободен од стегите на рационализмот, произведува чудни, необични и необјасниви визури. Се опишуваат различните доживувања на слободниот ум во фаза на несвесност.
Овој концепт е осмислен од ИГОР КАЛЦ, а на негов повик за соработка се приклучи и ЈАНЕ АЛТИПАРМАКОВ, кој со своето искуство и знаење во областа на филмот и режијата даде свој препознатлив белег, и стана дел од овој проект. Огромен придонес во реализацијата дадоа и Горан Атанасовски - Роботек и Теа Шалдева. Видеоартот е инспириран од истоимената слика, која е дело на авторот.
Овој видеоарт е предвидено, со време да се развива и да добива свои продолженија и доработки, со кои преку пат на прогресивност би се достигнала одредена точка на кулминирање.
ИГОР КАЛЦ е дипломиран историчар на уметност и уметник. Со свои проекти има учествувано на неколку групни изложби. Аматерски се занимава и со филмска рецензија. ЈАНЕ АЛТИПАРМАКОВ е дипломиран филмски режисер и долгогодишен филмси рецензент и работник во таа област. Зад него стојат повеќе сериозни проекти, меѓу кои и учество во "Скопје Ремикс".

САШКО КОСТОВ & THE WAITING WAITS @ Слободна Зона 3

Сашко Kостов е мулти-инструменталист кој води до кулминација на инспирацијата - музика која е тесно врзан за неговите влијанија и потекло. Со првото слушање, и покрај сложеноста на неговите композиции, тие допираат до публиката и не ја оставаат рамнодушна. Работејќи на музичката сцена уште од 1995 година, Сашко Костов брзо си наоѓа место во индустријата, за фокусирање на неговата соло кариера. Костов твори интригантен звук, и во исто време останува верен на сопствените творечки стремежи. Посветен на својот занает и полн со еклектични идеи, овој уметник знае како се користи поетскиот стих за да ги разубави своите музичка тонови и ритми. Вокалите се неговите најмоќното оружје. 

Diaz Kortez @ Слободна Зона 3

Дејан Козовски а.к.а. Diaz Kortez е Dj и продуцент од Виница. Музика слуша, преслушува, собира и пушта уште од тинејџерските денови, од златната ера на хип-хопот. 
Глобалниот „Техно“ бран го зафаќа целосно и не поминува многу време кога освен пуштање музика по забави, сам почнува да продуцира музика. Неговите минати и сегашни влијанија се слушаат во неговите миксови кои вклучуваат различни жанрови од фанк и диско, дип хаус и техно до инди-диско и електро поп.
Моментално во своите миксови како „зачини“ користи лупови, миди-контролери и ефекти давајќи им хипнотички грув журките.

STUTTGART ONLINE @ Слободна Зона 3

Stuttgart Online се оформени во 2006 година во Белград. Веб магазинот Popboks ги прогласуваат за дебитанти на годината во 2007. Во 2009 година го издаваат својот деби албум ,,Radost svakom domacinstvu" за издавачката куќа ,,Одличан хрчак’’. Следуваат турнеи во секој агол на бивша Југославија кадешто бендот создава бројна и квалитетна фан база. Новиот албум ,,Права ствар‘‘ е снимен во текот на 2011 година, а е издаден годинава. Албумот содржи 11 песни и претставува полнокрвна рок плоча со голем број на идни хитови. Stuttgart Online се Бојан Салчала и Марко Баришиќ.

XAXAXA @ Слободна Зона 3

ХАХАХА e трио од Скопје кое ја растресува утробата на слушателот во манирот на Hüsker Dü, Jones Very, Mega City Four, Arhangel, Suns, Last Expedition и Rites of Spring. Одличен ретро флешбек во осумдесетите, но сепак со свеж звук кој носи слична порака. Острите текстови се испеани на македонски јазик, но сепак искреноста во изразувањето која преовладува во песните ги приближува до слушателот без разлика од каде доаѓа. Затворете ги очите, потопете се во звукот и дозволете да ве води. Така сигурно ќе разберете што имаат да ви кажат, а фантастичната музика од позадината може само да ви помогне во тоа! 
ВАСКО АТАНАСОСКИ (ГИТАРА / ВОКАЛ)
ЏАНО КУЧ (ТАПАНИ)
НЕНАД ТРИФУНОВСКИ (БАС)

THE JOHN @ Слободна Зона 3

После неколку години работа со локални бендови ( како Blla Blla Blla, Bei The Fish и ПМГ Колектив) Љупа одлучува да оформи свој сопствен бенд. John се раѓа како диско панк-рок трио во 2007 година во Скопје и по неколку настапи, на самиот почеток, настануваат промени во составот. The John сега се Љупа Ангелов (гитара, вокал), Филип Пајдаков (бас), Дарко Тасевски (гитара, вокал) и Георги Божиков (тапани). Имаат издадено 4 Е.P. - a (Happilysad, The John, Azdis, и Quiet Noise For Export) и едно L.P. - Ти и јас и градот наш.

MOLOKAI @ Слободна Зона 3

molokai е сурф-панк трио, кое по грешка наместо на бреговите на Пацификот е родено покрај реката Драгор. Сакајќи да им се приближат на нивните вистински корени, реинкарнациите на три калифорниски сурфери (сега познати како Дамјан Маневски, Бојан Станиќ и Дамјан Грујо), ги комбинираат звуците на сурф бендовите како Slacktone, Laika and the Cosmonauts, Man or Astro-man? и The Atlantics, со енергијата и DIY етиката на Fugazi и хаотичноста на бендови како Polska Malca. molokai постои од јуни 2011, зад себе имаат едно демо ЕР, а наскоро се очекува и нивниот прв албум.

Еве и едно демо за free download

Слободна Зона 3 // Главна програма // 01.09.2012

локација: Градски парк - Виница



-➢  DJ NOMADUZZ 

-➢  MOLOKAI                                                                         повеќе инфо тука

-➢  THE JOHN                                                                        повеќе инфо тука

-➢  XAXAXA                                                                            повеќе инфо тука

-➢  STUTTGART ONLINE                                                         повеќе инфо тука

-➢  ПАРКЕТИ

-➢  САШКО КОСТОВ & THE WAITING WAITS                          повеќе инфо тука

-➢  DIAZ KORTEZ                                                                    повеќе инфо тука

ИЗЛОЖБА: II МЕЃУНАРОДНА КЕРАМИЧКА КОЛОНИЈА СВ. АНДРЕЈ

Изложба на делата од Втората меѓународна керамичка колонија СВ. АНДРЕЈ



Учесници: Соња Димитрова, Дарко Богданов, Дејан Спасов, Марјан Стојаноски, Марина

Јоноска, Аменун Женева, Јулија Кунова , Теодор Тодоров, Милан Божиновски



локација: Градски парк
време: 18:30ч. (1 септември)

Театарска претстава ,,Во потрага по Данил Хармс“

Испитна претстава на студентите по актерска игра од трета година на факултетот за драмски уметности - Скопје.

Класата ја водат ред. проф. Владимир Милчин, вон. проф. Сузана Киранџиска и асс. Кристина Леловац

Индивидуалните и групни импровизации, инспирирани од кратките раскази на Данил Хармс, меѓу кои „Стариците што паѓаат“, „Симфонија“, „Почеток на убавиот летен ден“, „Случки“, неговите песни „Несега“, „Пиф Паф Пуф“ и „Милион“, неговите кратки дневнички записи и документите од истрагите и судењето во процесот воден против него од НКВД како против антисоветски елемент, се основа на „Во потрага по Данил Хармс“. Испревртениот свет од литературата на Хармс – недостатокот на логика и конкретност, постојаното испреплетување на реалноста и фантазијата, на сништата и кошмарите, карактерите без индивидуалност и интегритет и неочекуваните пресврти – ја сочинуваат тематската рамка на претставата. Сепак, претставата раскажува и приказна за луѓе кои живеат во свет во кој дури и најситното отклонување од толпата е детектирано како сомнително и најтивкиот шепот е дочуен и запишан да биде употребен во некоја обвинителна постапка.

„Во потрага по Данил Хармс“ во Виница ќе ја има својата трета изведба воопшто. Во јуни годинава учествуваше на интернационален фестивал во Братислава – Istropolitana Project 2012, избрана со конкуренти од цел свет.

Играат: Дениз Абдула, Ивана Атанасова, Ирена Илиевска, Мартин Јовчевски, Бојан Лазаров, Емилија Мицевска, Александар Михајловски, Мартин Петровски,  Жарко Спасовски, Дени Стојанов, Наталија Теодосиева, Игор Трајковски, Александар Велјановски

петок, 31 август

локација: Сина сала (Дом на култура)

почеток: 20:00ч.

влез: 50 ден.

*Картите можат да се подигнат во кафе ВИП и во Домот на културата

Настап на Billy Esteban

локација: лапидариум (Музеј на град Виница)

почеток: 19:30 часот

Billy Esteban е музичар од с. Истибања кој ќе изведе етно-амбиентални композиции со негова сопствена авторска музика и аранжмани. Слушнете некои од неговите композиции издадени на неговото цеде My Freedom:

Театарски претстави ,,Стаклена менажерија“ и ,,Тетоважата роза‘‘

Театарски претстави ,,Стаклена менажерија“ и ,,Тетоважата роза’’ - Тенеси Вилијамс

Испитни претстави на студентите по театарска режија од втора година на факултетот за драмски уметности – Скопје.

Класата ја водат ред. проф. Слободан Унковски, вон. проф. Златко Славенски и дем. Куштрим Бектеши.

Двете претстави се занимаваат со текстовите на еден ист автор, разработувајќи го неговиот поетски реализам со кој владее во педесетите во Америка. Вилијамсовиот порив за постигнување психолошка проникливост, сексуална отвореност и универзална вистина во креирањето на ликови инспирирани од оние „од Бога отфрлените“, создава еден своевиден модел за голем број драмски автори и ги преокупира умовите на поголемиот дел од поствоената публика. Како тоа го гледаат овие млади режисери?

,,Стаклена менажерија’’ - во режија на Драгана Стојчевска

Играат: Бојан Лазаров, Наталија Теодосиева, Ангела Стојановска и Мартин Манев

локација: Сина сала (Дом на култура)

почеток: 20:30ч. (четврток, 30 август)

влез: 60 ден. (Блок карта за ,,Стаклена менажерија’’ и ,,Тетоважата роза’’)
*Претставата „Стаклена менажерија“ е камерна и бројот на картите е ограничен. Со купување на карта за оваа претстава добивате карта и за наредната, „Тетоважата роза“. Заинтересираните само за втората претстава, можат да купат поеднечна карта по цена од 40 ден.






,,Тетоважата роза‘‘- во режија на Милош Б. Андоновски

Играат: Ивана Атанасова, Денчи Димоковска, Александар Михајловски и Мартин Петровски 

локација: Сина сала (Дом на култура)

почеток: 21:45ч. (четврток, 30 август)

влез: 40 ден.





* Картите можат да се подигнат во кафе ВИП и во Домот на културата

Стрип работилница со Дарко Богданов, Игор Јовчевски и Јордан Коцевски

Стрип работилницата со Дарко Богданов, Игор Јовчевски и Јордан Коцевски ќе биде одржана во галеријата ,,Теракота’’ на 29ти и 30ти август од 10 до 16 часот.


Сите заинтересирани за учество во истата нека се обратат кај Маријана Иванова или Дарко Богданов. Бројот на учесници е ограничен, побрзајте со пријавувањето!

http://darbog-darkmore.blogspot.com/
http://igorcomics.blogspot.com/

Слободна зона warm up party со Маријана Иванова

локација: Кафе ВИП
почеток: 22:00 ч.
жанрови на плејлистата: indie rock, post-punk, garage rock, surf rock, alternative, electronic &  бендовите од овогодинешниот фестивал

перформанс ,,КОНФУЗИЈА’’

СЛОБОДНА ЗОНА 3 во соработка со Институтот ЕвроБалкан - Скопје ви го претставува перформансот КОНФУЗИЈА во режија на Билјана Радиноска. Повелете на отворањето, 27 август во лапидариумот на Музеј на град Виница со почеток во 21 часот.

Театaрскиот перформанс „КонФузија“ е создаден од десетина креативци, директно и индиректно поврзани со театарската, музичката, ликовната уметност, низ интимен процес на истражување. КонФузија е сублимат, од седум кратки раскази, напишани од самите учесници, приказна која се раскажува низ патување во разни состојби, расположенија и копнежи на ликовите. КонФузија во себе крие две гледишта, она кое постои како реално и она кое секој го носи во себе, свет без единици мерки, свет на копнеење. Копнеж за 

промена, копнеж за љубов, копнеж за вистина, копнеж за бидување. 

Играат:

Кристина Леловац, Викторија Илиоска, Ангела Димитрова

Автори на драматуршка предлошка:

Кристина Трајановска, Кристина Леловац, Иванка Апостолова, Ненад Тонкин, Викторија Илиоска, Јордан Шишовски, Инес Ефремова, Билјана Радиноска 

Костимограф:

Мелани Димитрова

Дизајн на видео и плакат:

Инес Ефремова

Музика:

Ненад Тонкин

Драматургија:

Кристина Трајановска 

Режија:

Билјана Радиноска

Координатори и техничка eкипа: Валентина Гоцевска, Јордан Шишовски, Иванка Апостолова, Александра Велева, Кристина Трајановска, Игор Панев

  Копнеж за промена, копнеж за љубов, копнеж за вистина, копнеж за бидување.




КонФузија

OFF - програма за СЛОБОДНА ЗОНА 3

27 АВГУСТ

-➢  Настап на Billy Esteban      повеќе инфо тука

-➢  Перформанс Конфузија (режија: Билјана Радиноска)       повеќе инфо тука

-➢  Слободна зона warm up party со Маријана Иванова        повеќе инфо тука



28 АВГУСТ

-➢  Графити арт перформанс  (Хром и Руки)




29 АВГУСТ

-➢  Стрип работилница со Дарко Богданов, Игор Јовчевски и Јордан Коцевски и изложба на делата од работлницата       повеќе инфо тука




30 АВГУСТ

-➢  Театарска претстава ,,Стаклена менажерија“ - Тенеси Вилијамс во режија на Драгана Стојчевска      повеќе инфо тука

-➢  Театарска претстава ,,Тетоважата роза“ - Тенеси Вилијамс во режија на Милош Б. Андоновски       повеќе инфо тука




31 АВГУСТ

-➢  Изложба на фотографии ,,Елегија за старата железничка‘‘ на Наташа Гелева              повеќе инфо тука

-➢  Театарска претстава ,,Во потрага по Данил Хармс“ (испитна претстава на студентите по актерска игра од трета година на ФДУ)        повеќе инфо тука

-➢  Презентација на видеатае на Јане Алтипармаков и Наташа Гелева + инсталација на Калц и Јане               повеќе инфо тука

-➢  DJ set на Martchin (OffPop)            повеќе инфо тука



1 СЕПТЕМВРИ

-➢  Изложба: II меѓународна керамичка колонија ,,Св. Андреј‘‘     повеќе инфо тука