Remember, remember the 1st of September...

Номадуз: "Со толку ногу енергија на едно место можехме да осветлеме слогашкото игралиште"

Дамјан Маневски (Молокаи): „Можеби повеќето од нашите градови сакат да се пофалат со тоа како ги донесле најголемите ѕвезди од балканот, па и од светот (тежнеејќи кон некоја "шема"), но Виница ова лето ни покажа дека сепак работите не тргнале толку на удолу. Со доста труд и многу љубов кон тоа што го прават, СЛОБОДНА ЗОНА фестивал оваа година покажаа дека мали гратчиња како Виница, можат да станат редовна дестинација за бендови од сите ќошиња на светот, се додека пасијата за добра музика е пристуна.

Љубомир Ангелов (The John): „Слободна зона 3 беше доказ за тоа како со внимателно избрани бендови, кои и не се толку познати на пошироката народна маса, може да се направи една квалитетна забава, како за поновите, така и за постарите генерации.“

Васко Атанасовски (Хaxaxa): „Виница по трет пат претставува пример за сите нас. Фестивалот СЛОБОДНА ЗОНА успеа да го стави градот на културната мапа на Македонија а воедно тимот кој го организира восхитува со својот ентузијазам и посветеност. Влијанието кое овој фестивал го остава на младите креативци од Виница допрва ќе следи.“

Stuttgart Online: „Zadivljujuće neočekivan provod u Vinici...dovezli smo se prepunim autobusom iz Skoplja, raspoloženje i entuzijazam su bili na vrhuncu, kao i komarci koji su nas izjeli u parku gde smo svirali, ali ni to nije bilo dovoljno da poljulja energiju ne samo nas već i svih ostalih odličnih bendova koji su nastupali to veče....sve u svemu, divan provod, dobri domaćini, jos bolja mlada i optimistična publika. Zadovoljstvo nam je bilo biti deo te priče. Svakako se vidimo neki idući put...Živeli!“

Симс Паркет(Паркети): „Фестивалот во Виница кој се одржа на 1 септември на којшто покрај другите бендови свиревме и ние, Паркети, беше прекрасно организиран- убаво не пречекаа, бината и озвучувањето беа на ниво, публиката во голем број – едноставно се докажа дека рокенролот е една прекрасна работа која ги зближува добрите луѓе. Нам ќе ни остане овој фестивал во добро сеќавање.“

Сашко Костов (Сашко Костов and The Waiting Waits): „Настапот на Слободна зона 3 впрочем беше и мое прво доаѓање во Виница. Да не беше овој фестивал не ќе дојдевме никогаш во Виница со мојот бенд. Еден мал и убав град кој плени со убава енергија. Да не должам премногу, ќе кажам дека ние убаво си поминавме. Паркот во кој свиревме не натера без никакви резерви да ги истуриме нашите емоции, а другите градови, помали или поголеми, можат да учат како се подига фестивал кој станува традиција.“

Diaz Kortez: „Прекрасно се чувствував! Фестивалот беше одличен. Беше опфатено се што треба да биде култура на живеење на секој млад човек, во било кој град. Мило ми е што на некој начин покажавме дека и мало место како Виница, знае да направи одличен фестивал со европски нишани. Еден пријател, на фестивалот ми рече дека млади луѓе од Европа треба да бидат тука. Тоа воопшто не беше претенциозно.“

Тони Димков, неделен магазин „Граѓански“: Првата посета на фестивалот „Слободна зона“ не значеше дека прв пат сум бил во Виница. Напротив, многу често сум поминувал низ градот, но само еднаш сум го посетил локалитетот „Виничко кале“ и два пати сум застанал на кафе. И толку. Имајќи ја предвид музичката програма на годинашното издание, сигурен сум дека во иднина фестивалот „Слободна зона“ барем еднаш годишно ќе ме привлече во малото, тивко и симпатично гратче во источниот дел на државата. Тоа е најзначајната димензија на виничкиот фестивал на независна уметност - патниците кои поминуваат да ги направи патници кои остануваа во градот, барем два-три дена годишно. Во однос на програмата на третото издание на „Слободна зона“ можам да кажам дека беше внимателно селектирана, изборот на групите и нивните настапи беа одлични, додека атмосферата беше многу спонтана во убавиот амбиент на Градскиот парк. Тоа што најмногу ме израдува беа групите млади луѓе кои имаа можност да се запознаат со вистинските вредности на независната музичка сцена.

Ѓорги Јаневски, Канал 103: „Фестивалот Слободна Зона е успешен пример за тоа како треба да изгледа и да се применува децентрализацијата на културата. Фестивалот понуди одлична програма која го надминува локалниот контекст. За многу луѓе кои присуствуваа, тоа беше прва посета на Виница. Убеден сум, не и последна. 

И покрај неколкуте одлични концертни настапи, најсветлата точка на фестивалот беа децата во првите редови кои танцуваа и се иницираа на добра рокенрол музика. Има надеж.“

Тошо Филиповски, проследувач на македонскиот рокенрол: „Последните денови од август Виница беше вистинска културна СЛОБОДНА ЗОНА во Р. Македонија. Одбрамбениот бедем од напливот на кичот кој цело лето ја „тресеше“ Македонија... Саардисани од сите страни, спасот ввредеше да го побараме во Виница (како што претходно го побаравме во Гевгелија (Бош фестивал) или Битола (АКТО фестивал)... Квалитетната мултимедијална културна содржина што ја нудеше еден „мал“ фестивал (во зародиш) во едно мало место без некоја поразвиена/поекспонирана културна традиција со модерен предзнак, беше вистински предизвик за неколку стотини љубители од цела Македонија да тргнат на пат кон Виница... и да уживаат!!!

            Уште еднаш ми се потврди тезата дека спојот на енергија и креативност кај неколкумина ентузијасти, од една страна, и разбирање и подршка (иако истата може и мора да се зголемува веќе од наредната година) од страна на локалната власт, секогаш е полн погодок во смисла на одлична организација, квалитетни културни настани и задоволувачка (секогаш мора да се размислува за повеќе и подобро, нели?) посетеност... Факторот време пак ќе го покаже културниот импакт од ваквите настани врз локалното население, кое несомнено мора да доведе до појава на локални уметнички изблици и зголемена потреба од квалитетен културен живот на локалното население.

            Сепак, сакам да верувам и во пошироката инфлуенца на овој настан, во едно тектонско „размрдување“ на регионот, пред се на градот кој иако го имаше „титуларот“ Град на Културата (Кочани), сепак не успеа/ва да направи ни приближно квалитетен културен настан како овој на кој присуствував, во Виница.

            Затоа, поентата на оваа изјава нека биде и една мала сугестијадо локалната власт во Виница, за активен пристап кон добивање на статусот Град на Културата 2013 но со содржини кои ќе протежирааат модерни културни тенденции... па, СЛОБОДНА ЗОНА 4, очекувајте ме.''

Кирил Арсов (ОЗТ Фабрика, Слободна зона): „Ако некој спомеше, до пред само 3 години, дека низ Виница ќе продефилира скоро целата македонска независна рокенрол сцена, и тоа дел од неа неколку пати, ќе си помислев дека е безнадежен сонувач на кого му нема спас. Нешто слично како и јас самиот. Оние што ме познаваат подолго, знаат дека овој сон го сонувам од раните тинејџерски години. За среќа, или несреќа, си останав тинејџер до ден денес, а сонот, како во некоја бајка, се оствари.

Зад нас е третото издание на фестивалот Слободна зона кое оваа година имаше најабициозна програма, во шест фестивалски денови. Кулминацијата беше достигната последната вечер, кога на сцената во прекрасниот амбиент во Градскиот парк продефилираа најактуелните македонски бендови (велам, најактуелни, затоа што оние кој ја следат македонската рокенрол сцена знаат дека сите бендови кои ни беа на гости имаат нови и свежи изданија, сите беа пред европска турнеја, или тукушто се вратија од турнеја). На гости ни беше кремот на македонската независна сцена, а вишната на кремот беа ексклузивните гости од Белград, Штутгарт онлајн. Оние кои го проследија концертот, верувам дека ќе го прераскажуваат. Нас емоциите ќе не држат „хај“ до следната година. До следното четврто издание на Слободна зона.“

DJ set на Martchin (OffPop)

локација: кафе Queen
почеток: 23:00ч. (31 август)


Martchin започнува да се занимава со музика од 7 годишна возраст кога посетува музичко училиште и свири виолина се до неговата 15 година. 
Од 2003 година тој е дел од тимот организатори и уредници на музичкиот webzine "skopjesburning". Истата година, има радио емисија "Skopje's Burning" на Канал 103 и започнува да пушта музика низ скопските клубови. 
Од 2006 г. е дел од колективот OffPop кој работи на ширење на електронската музика и култура во комбинација со уметност и експериментални филмови. 
Во 2009 г. станува дел од организацискиот тим на de:sonanz festival во Скопје, фестивал за електронска музика, визуелни уметности и нови медиуми:

http://www.desonanz.org.mk/

Има настапувано во повеќе градови во земјава со свои резидент вечери. Музиката што ја пушта се движи од trippy techno, electro, acid house, ebm, psychedelic disco, new wave, post punk, kraut, dub...
Дел од артистите со кои досега им настапувано се: Poligraf [Bosnia and Herzegovina], REPETITOR [Serbia], Lukatoyboy [Serbia], dj Moodswinger [Serbia], Piece of Shh...[Serbia], Jan Nemecek [Serbia], Tijana Kabic [Serbia], A VICTIM OF SOCIETY [Greece], SOMETIME [Iceland], FM BELFAST [Iceland], MARCUS BEUTER [Germany], ALEC EMPIRE [Germany], T.RAUMSCHMIERE [Germany], TERENCE FIXMER [France], Mi [USA]...

http://soundcloud.com/martchin-offpop

Изложба на фотографии ,,Елегија за старата железничка‘‘ на Наташа Гелева

локација: галерија ,,Теракота‘‘
отворање: 19:00ч.

Елегијата како поетска форма изразува тивка тага и болка заради тоа што сè во светот е непостојано и минливо. Фотографијата сама по себе како медиум е нем бунт против непостојаноста. Еден момент се замрзнува во времето и станува сведоштво на минливоста. Се вели „Сè е минливо, само уметноста е вечна“. Тоа е вистинската вредност на уметноста - нејзината истрајност... „Елегијата“ на Наташа Гелева е визуелна ламентација врз уништените вредности кои требаше да бидат вечни. Заробени во фотографската рамка моментите стануваат сведоштво на непостојаноста како клучен принцип на постоењето. Субјектот во фотографиите се вклопува во пејзажот, моделот стои исправен пред руините на времето, служи како поткрепа и му дава живост и еластичност на мртвиот пејзаж. Човечкиот фактор е столбот кој ѝ дава хармоничност и потпора на деструираната убавина на рушевините. Самиот субјект не тера и да помислиме на историската улога на секоја индивидуа. Градителите ќе градат, рушителите ќе рушат, тоа е во согласност со космичките принципи на создавањето и уништувањето, креацијата и нејзината деструкција. Она што фотографиите на Наташа Гелева сакаат да ни го пренесат како порака е дека секој треба да ја чувствува одговорноста за зачувувањето и создавањето наубавината, дека човечкиот фактор е столбот кој ја воспоставува или, пак, ја нарушува рамнотежата. Во фотографиите од оваа серија наречена „Елегија за Старата железничка“ човечкиот објект како да се труди да ја воспостави пак таа рамнотежа во усилбите комплетно да се вклопи во рушевината, да биде нејзина „жива“ закрепа, последен столб кој ја држи целината заедно. Забележлив е грчот за да се одржи таа состојба, како последна усилба да се задржи времето и како признавање на поразот и слабоста на човечката природа. Оттаму е и лиричноста на фотографиите од изложбата кои се визуелни елегии и занемен бунт против времето кое одминува.

                                                                                                     Менче Здравкова

Презентација на видеата на Јане Алтипармаков и Наташа Гелева + инсталација 'THE DREAM ABOUT THE MOUTHLESS'

локација: кафе Queen

почеток: 22:30ч.

>> Презентација на видеата за Mooger Fooger, Сашко Костов, Хахаха... на Јане Алтипармаков и Наташа Гелева


>> ИГОР КАЛЦ, ЈАНЕ АЛТИПАРМАКОВ – 'THE DREAM ABOUT THE MOUTHLESS'
(Сонот за човекот без уста), е видеоарт проект, во кој со надреалистички манир е претставена човековата потсвест во момент на сонување. Со помош на случајно избрани видео-сегменти, надреалистичка проза и психоделични аудиовизуелизации кои предизвикуваат ефект на хипноза, се доловува човечкиот ум, кој сосем ослободен од стегите на рационализмот, произведува чудни, необични и необјасниви визури. Се опишуваат различните доживувања на слободниот ум во фаза на несвесност.
Овој концепт е осмислен од ИГОР КАЛЦ, а на негов повик за соработка се приклучи и ЈАНЕ АЛТИПАРМАКОВ, кој со своето искуство и знаење во областа на филмот и режијата даде свој препознатлив белег, и стана дел од овој проект. Огромен придонес во реализацијата дадоа и Горан Атанасовски - Роботек и Теа Шалдева. Видеоартот е инспириран од истоимената слика, која е дело на авторот.
Овој видеоарт е предвидено, со време да се развива и да добива свои продолженија и доработки, со кои преку пат на прогресивност би се достигнала одредена точка на кулминирање.
ИГОР КАЛЦ е дипломиран историчар на уметност и уметник. Со свои проекти има учествувано на неколку групни изложби. Аматерски се занимава и со филмска рецензија. ЈАНЕ АЛТИПАРМАКОВ е дипломиран филмски режисер и долгогодишен филмси рецензент и работник во таа област. Зад него стојат повеќе сериозни проекти, меѓу кои и учество во "Скопје Ремикс".

САШКО КОСТОВ & THE WAITING WAITS @ Слободна Зона 3

Сашко Kостов е мулти-инструменталист кој води до кулминација на инспирацијата - музика која е тесно врзан за неговите влијанија и потекло. Со првото слушање, и покрај сложеноста на неговите композиции, тие допираат до публиката и не ја оставаат рамнодушна. Работејќи на музичката сцена уште од 1995 година, Сашко Костов брзо си наоѓа место во индустријата, за фокусирање на неговата соло кариера. Костов твори интригантен звук, и во исто време останува верен на сопствените творечки стремежи. Посветен на својот занает и полн со еклектични идеи, овој уметник знае како се користи поетскиот стих за да ги разубави своите музичка тонови и ритми. Вокалите се неговите најмоќното оружје. 

Diaz Kortez @ Слободна Зона 3

Дејан Козовски а.к.а. Diaz Kortez е Dj и продуцент од Виница. Музика слуша, преслушува, собира и пушта уште од тинејџерските денови, од златната ера на хип-хопот. 
Глобалниот „Техно“ бран го зафаќа целосно и не поминува многу време кога освен пуштање музика по забави, сам почнува да продуцира музика. Неговите минати и сегашни влијанија се слушаат во неговите миксови кои вклучуваат различни жанрови од фанк и диско, дип хаус и техно до инди-диско и електро поп.
Моментално во своите миксови како „зачини“ користи лупови, миди-контролери и ефекти давајќи им хипнотички грув журките.

STUTTGART ONLINE @ Слободна Зона 3

Stuttgart Online се оформени во 2006 година во Белград. Веб магазинот Popboks ги прогласуваат за дебитанти на годината во 2007. Во 2009 година го издаваат својот деби албум ,,Radost svakom domacinstvu" за издавачката куќа ,,Одличан хрчак’’. Следуваат турнеи во секој агол на бивша Југославија кадешто бендот создава бројна и квалитетна фан база. Новиот албум ,,Права ствар‘‘ е снимен во текот на 2011 година, а е издаден годинава. Албумот содржи 11 песни и претставува полнокрвна рок плоча со голем број на идни хитови. Stuttgart Online се Бојан Салчала и Марко Баришиќ.